Advertisement
Mugi widi maha suci
Piwejang estu kamelang
Dinten ieu danget ieu
Tinekanan pamaksadan
Hidep eneng sareng asep
Gumulung ngajadi hiji
Kasaksi wargi nu sumping
Mamah apa nya wasiat
Sing jadi jimat rarabi
Tancebkeun na patekadan
Niat hidep rumah tangga
Ulah unggut kalinduan,ulah gedag kaanginan
Tong galideur ku mareumbing
Seja nyumponan ibadah
Seja nyumponan ibadah
Peupeujeuh keur salawasna
Hidep eneng sareng asep
Geura hirup sasarengan, kudu silih kanyahokeun
Tong aing-aingan, dipahing sumput salindung
Mun pareng pabentar paham, masing apal padikana
Sangkan gancang repeh rapih
Prak abdas madep ka gusti
Tiwangkid tiba ayeuna pisan
Eneng tuturkeun caroge
Mamah sareng apa titip
Kahidep gegentos apa
Mun dugi kana waktosna
Mamah apa tos ngantunkeun
Titip dulur-dulur hidep
Mangka lana panjang punjung
Prak namprak urang ngadu’a
Ka Alloh nu maha agung
Sangkan hidep hirup hurip
Bagja dunya jeung akherat
Amin yaa robala’laamin
Mugi gusti nangtayungan